Horrenbestekoa izan da ertzainek eragindako trafiko anabasa, debora gutxira Getxoko Udaltzainen bi patruila auto agertu direla, argiak jarrita. Hala ere, eurek ere ez dute jakin zelan jokatu eta berehala alde egin dute.
Gaurko kontzentrazioa iruditan:
Gutxienez bi lagun identifikatu ditu Ertzaintzak Iker Beristainen aldeko kontzentrazioan
Gaur iluntzean 130 herritar inguruk egin dute elkarretaratzea Algortako Telletxe kalean, Iker Beristain euskal preso politikoaren aitatasun eskubideak aldarrikatzeko. Hala ere, agudo agertu zaie Ertzaintzaren furgoneta bat. Ibilgailua erdian utzita, errepidean zabaldu dira poliziak, errei bat moztuz. Gutxienez, pankartetako bati eusten ari ziren bi lagun identifikatu dituzte ertzainek, lekukoek UKBERRI.NETi adierazi diotenez. Herriko presoen argazkiak zeramatzaten palei, ordea, ez diete jaramonik egin; ezta hainbat gizon-emakumek esku artean zeuzkaten Beristainen aldeko kartelei ere. Hori bai, panelean jarritako kartel handia indarrez atera dute; baita barandetako batean zegoen pankarta ere. Azkenaldian urteak egin dituzten herriko presoei zoriontzekoa azken hori.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun