Galdetu egin nahi dugu zer hari den gertatzen gure jendartean horrelako jarrera heterofaxistak pairatzeko. Erantzuna guretzat, oso argia da: horrelako kasuak, erabat agerian uzten dute estatuak inposatutako hezkuntza sistema porrot egin duela. Are gehiago: euren sasi-segurtasun sistema osoa porrot egin duela, ez baitira horrelako jarrera xenofobo, faxista eta sexistak ekiditeko kapazak. Estatua da momentu oro pertsona ororen ongizatea bermatu behar duena. Sistema da jarrera horiek ekidin behar dituena. Hezkuntza sistema aldatu beharra dago arrazakeria, faxismoa, sexismoa eta diskriminazio mota guztiekin amaitzeko. Estatua bera da, azken erantzule jarrera guzti horienak, baina herritarroi dagokigu erantzun tinkoa ematea.
Horregatik, SOS Arrazakeria, Sare Antifaxista, EHGAM eta Gaztehgam-ek hurrengo adierazpena egiten dugu:
“1938. urteko azaroaren 9tik 10erako gauean, SA polizia alemaniarrak, Hitler jeneralaren agindupean, judu-gune eta bestelako ghetto batzuetan bortizki sartu eta indarkeriaz hasiera eman zioten luze iraungo zuen beldur eta deuseztatze kanpaina gizarte talde desberdinen aurka. Pertsona juduak, homosexualak, ijitoak eta filosofia faxistarekin bat egiten ez zuten intelektualak, bahitu eta kontzentrazio guneetara bidaliak izan ziren. Gune horiek, heriotza guneak bilakatuko zituzten. Bertan milaka pertsona erailko zituzten ondorengo urteetan. Hau dena Europan agintzeko zuten proiektuaren parte izan zen.
Nahiz eta garai haietako talde ultraeskuindar eta faxista horiek gaur ez ditugun ezagutzen -izen berdinekin, behintzat,- gure kaleetan oraindik diraute zigorgabetasunez jarduten duten eta giza eskubiderik oinarrizkoenak errespetatzen eta amorrua zabaltzen duten talde asko. Ekintza zakar hauek denak, giza talde jarraituenen kontra zuzentzen dituzte, elkarbizitza arriskuan jarriz eta haserrea sortu nahian. Ona hemen adibide gutxi batzuk, bereziki kezkatu egiten gaituztenak:
- Nahiz eta antzinako talde faxista, eta nazioartean zigortuak izan diren ikararen diktadura horien ondorengotza argi bat osatzen duten, ideia zigorgarri horiekin harreman estua duten talde politikoak hauteskundeetara aurkezten dira.
- Europak jarraitzen du ijito herria baztertzen. Sarkozyren gobernuak, martxan ipini dituzte deportazio masiboak eta publikoki gaitzetsi diren arren, ez da inongo erantzun sendorik eman nazioarteko komunitatetik eta bestetik, beste europar estatu batzuk kritikatu dituzte horrelako neurriak, haiek ere antzeko politikak erabiltzen dituzten bitartean. Espainiak adibidez, atzerritartasun legearen bidez ere egiten ditu horrelako deportazioak, hauek ere badira lege baztertzaile eta arrazistak. Jende ijitoa pairatzen duten diskriminazioak orokorrak dira gaur egun eta eguneroko bizitzan, eta horrela ikus dezakegu gertutik adibidez, Zugaztietako kasuan. Berton, bizikideak, udaletxearen oniritziz erasotzen dute ijito familia bat.
- Era berean antzina zigor guztien objektu eroso izan zen judutar herria, talde politiko, sindikatu, gobernu eta komunikabide desberdinak kriminalizatzen dituzte etorkinak eta jendearen haserrea askotan haien aurka biderarazten dute. Mugak itxi eta haien irekitzeak arrasa eta jatorriaren arabera neurtzea izen bakar bat dauka: xenofobia.
- Azkenik, Opus Dei bezalako muturreko erakunde kontserbadoreak, dei egin du, Homosexual, Lesbiana eta Transexualen eskubideen aurkako I. nazioarteko kongresura. Horrelako ekintzak eta bilkurak larriki bortxatzen dituzte guztion oinarrizko eskubideak, askatasun sexuala eta afektiboarenak bezala hain zuzen. Eskubide hauek gainera gure azken hamarkadetako lanaren garaipen direlarik. Inork ez du gure gorputzen eta nortasunen gaineko eskumenik.
Eraso jasanezinen adibide xume batzuk. Guk horrelako gertakarien aurka besterik ez dugu borrokatzen, aldez, hauek isilaraziak eta arrunt bezala hartu ez ditzaten. Gobernuari dagokio arazo horiei irtenbidea bilatzea. Igandean jasotako eraso homofoboa eta beste askok behingoz amaitu ditzaten. Hau guztiagatik, dei ozena egiten diegu herritar guztioi eta erakundeei, azaroaren 9an arratsaldeko 19:30ean Bilboko Unamuno plazan egingo den mobilizazioan parte hartzera. Faxismo, xenofobia, homofobia eta diskriminazio guztien aurkako egunean”.
SOS Arrazakeria, Sare Antifaxista, EHGAM eta Gaztehgam.
SOS Arrazakeria, Sare Antifaxista, EHGAM eta Gaztehgam: "Eraso faxista, arrazista eta homofoborik ez!"
SOS Arrazakeria, Sare Antifaxista, EHGAM eta Gaztehgam, azken egunetan gertatu diren eraso homofoboak gogor eta aho batez salatu nahi ditugu. Lehenik eta behin, gure elkartasuna helarazi nahi diegu igandean Bilbon labanaz zaurituak izan ziren bi gazteei, eta horietako baten egoeraz kezkatuta gaudela azpimarratu nahi dugu. Honen haurrean, argi adierazi nahi dugu homofobia eraso guztiak salatu eta erantzungo ditugula, hemen gauden erakundeok, argi adierazten dugulako homofobia, arrazakeria, faxismoa eta edozein diskriminazio motaren aurrean gure jarrera. Jarrera horiek guztiek ez dute lekurik gure jendartean. Bilboko eraso homofoboa larria da oso, baina badakigu ez dela izan azken egunotan gertatu den bakarra. Momentu honetan beste kasu batzuen berri izan ditugu eta ziur egon gaitezke, badaudela egunerokotasunean salatzen ez diren beste hainbeste. Pasadan urtean Gaztehgam-eko kide den Markel Ganboak pairatu zuen erasoa, Mikel Martin EHGAM-eko kide pairatu zuena Espainiako lau militarren eskutik eta egun epaituak izaten hari direnak, hilabete batzuk Bilboko Zazpi Kaleetan kuterrarekin erasoa pairatu zuena eta beste hainbeste kasu. Eraso homofoboak, eraso sexistak, eraso faxistak… ezin gara geldirik egon egoera larri honen aurrean. Argazkian, atzo eman zuten prentsaurrekoa lau eragileek / © Sare Antifaxista.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun