Ikoitz eta besteak kartzelatuz Gernikako Akordioa sinatu genuen guztioi eraso digute. Baina Espainiar Erresumako agintariek jakin behar dute Euskal Herrian norbait inolako arrazoirik gabe atxilotzean kalean gaudenok berehala hartzen dugula lekukoa; eta Rubalcabak karguak hirukoizten baditu guk esfortzuak hirukoiztuko ditugula Euskal Herria bake eta normalizazio egoera batera ekartzeko. Euskal gazteria, bere aniztasunean, animatu nahi dugu hurrengo hilabetetan abiaraziko den bake eta normalizazio prozesuan aktiboki parte har dezan.
Xabier Soto eta Jonathan Martinez Alternatiba Gazteak eta GaztEHerria-ko kideek atzo "Berria" egunkarian argitaratutako artikulua.
Xabier Soto eta Jonathan Martinez: "Gazteriaren bake nahia ez da kartzelan sartzen"
[© Xabier Soto eta Jonathan Martinez - Berria.info] Pasa den urriaren 21eko gauean Rubalcaba Propaganda ministro izendatu berriaren beste erakustaldi bat pairatu genuen Euskal Herrian. Oraingoan, euskal gazteriaren aurka. Xabier Arina, Ikoitz Arrese, Imanol Beristain, Xabi Bidaurre, Igarki de Robles, Ibon Esteban, Egoi Irisarri, Ainara Ladron, Ander Maeztu, Xabat Moran, Marina Sagastizabal, Imanol Salinas, Ruben Villa eta Julen Zuaznabar atxilotu zituzten, ustez Segi berrantolatzeagatik. Atxilotutako guztien lana maila berean ipiniz, bereziki larria iruditzen zaigu Ikoitz Arreseren kasua. Irailaren 25ean Gernikan egindako aurkezpenean bere eskuz sinatu zuen Gernikako Akordioa, Ikasle Abertzaleen izenean. Dirudienez, publikoki ETAri su-eten iraunkor eta egiaztatze moduko bat eskatzea ez da nahikoa Espainiar Erresuman norbait etakide izatea egotzita atxilo hartu eta kartzelatzeko. Argazkian, gazte sarekada salatzeko GaztEHerriaren agerraldia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun