Horrez gain, itsasoaren egoerak okerrera egingo du nabarmen. Hilaren astelehen eguerditik aurrera, baliteke 3,5 metroko altuerako olatuak izatea eta astearte arratsaldean 7 metrotik gorakoak izan litezke. Asteazkenetik aurrera, eguraldiak hobera egingo duela aurreikusi dute.
Euskalmetek iragarri duenez, baliteke astelehen eta asteartean euro zaparra mardulak izatea eta metro koadroko 60 litrotik gora pilatzea.
Eusko Jaurlaritzaren Herrizaingo Sailak alerta laranja ezarriko du 48 orduz, astelehen goizaldeko ordu batetatik asteazkeneko ordu berera arte, haizea eta olatuak direla eta. Euskalmet Euskal Meteorologia Agentziak 7 metrotik gorako olatuak eta, haizeguneetan, 120 kilometro orduko haize-ufadak egon litezkeela aurreikusi du. Datozen orduetan, beraz, eguraldiak txarrera egingo omen du nabarmen, bereziki astelehenean, asteartean eta asteazkenean, ziklogenesi leherkor batek Europako mendebaldetik hedatuko den depresio sakon bat eragingo baitu. Euskalmeten arabera, bihar eta etzi haize-ufadek 100 km/h-ko abiadura gainditu lezakete haizeguneetan, kostaldean batez ere, eta 90 kilometro ordukoa gainerako tokietan; dena dela, astelehen goizean, baliteke 120 km/h-tik gorako haize-boladak egotea haizeguneetan, kostaldean bereziki, eta 90 km/h-tik gorakoak gainerako lekuetan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun