Laespadak goratu egin du haren lana, hori "funtsezkoa" baita "herrialde honen historia triste eta krudela oroitzea" eta haren senideei "elkartasun besarkada handia" emateko. Koordinakundeak nabarmendu duenez, XXI. mendean gizarteak "indarkeriaren aurkakoa eta bakearen aldekoa" izaten jarraitzen du.
Orkatz Gallastegi
Lidonen hilketan lagundu zutelakoan, Orkatz Gallastegi berangoztarra zigortu zuten, nahiz eta Amnistiaren Aldeko Mugimenduak hainbatetan salatu frogak eta epaiketak "muntaia" zirela, Estatuak "norbait" zigortu bide zuelako: "Orkatz hasieratik zegoen kondenatuta. Horretarako atxilotu zuten. Lidon ustez hil zutenak hilak ziren, eta errudun zuzenen bat behar zuten, bide batez, Lidonen familiarrek kasu hauetan errudunei aplikatzen zaien 'erantzukizun zibila' jasotzeko. Eta Orkatz hautagai ona zen Ertzaintzarentzat, Eusko Jaurlariarentzat. Eta hor dago, espetxean, Ertzaintzak, Eusko Jaurlaritzak, Espainiako auzitegiek, Espainiako Gobernuak, dirua legezko itxurak eginez kobratu beharrak, 'El Correo'k eta bestek kondenatuta". Urtzi Murueta leioaztarra ere auziperatu zuten arren, Lidonen hilketarekin zerikusirik ez zuela izan berretsi zuen Espainiako Auzitegi Gorenak.
Bederatzi urte bete dira gaur, astelehena, ETAk Jose Maria Lidon Bizkaiko Auzitegiko Bigarren Aretoko magistratua Algortako bere etxeko garajean hil zuenetik. Hori dela eta, ehun pertsona inguruk elkarretaratzea egin dute gaur goizean Deustuko Unibertsitatean, Bilbon, "Bakea da bidea" lelopean. Bakearen Aldeko Koordinakundeak (BAK) deituta, besteak beste, epailearen semeetako bat, Jordi; Juan Luis Ibarra EAEko Auzitegi Nagusiko presidentea eta Jaime Oraa Deustuko Unibertsitateko errektorea izan dira bertan. Ekitaldia amaitutakoan, Fabian Laespada BAKeko bozeramaileak adierazi du Lidon epailea "oso maitatua" zela. Argazkian, uztailean ETAren biktimak omendu zituen Getxoko Udalak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun