Imanol Landa Getxoko alkateak bere elkartasuna agertu dio saharar herriari gaur goizean, El Aaiunetik 13 kilometrora dagoen Gdaim Izik kanpamenduko "egoera larritu" egin delako. Tokiko agintariak bere kezka agertu du azken ordutan bizi izandako gertaerengatik. Hedabide batzuek zabaldu dutenez, Morrokoko armada saraharren eskubideak aldarrikatzeko jarritako aipatu kanpamentua indarrez suntsitzen hasi da, hainbat hildako eta zauritu eraginez, haimak erretzearekin batera. Landak eskatu du saharar herriaren giza eskubideak eta eskubide kolektiboak errespetatzea, baita inplikatutako aldeen arteko negoziazioak berriro martxan jartzea ere. Aldi berean, "nazioarteko eskubidea indarrean jartzea" eskatu du, "35 urte baino luzeago irauten duen egoera konpon dadin, sufrimendu eta min gehiagorik gabe”. Argazkian, Saharako hainbat ume Getxon.
Landak gogoratu du "getxoztarrok duela urte batzuez geroztik saharar herriarekin ditugun elkartasuna eta harreman estua, 1994az geroztik Bir Ganduzeko dairarekin senidetuta egoteak edo Aljeriako Tindoufeko pertsona errefuxiatuen kanpamenduekin duen lankidetzak erakusten dutenez". Hori, zenbait proiektu eta ekimenen bidez eramaten ari dira aurrera, tartean, Sahararekiko Karabana Solidarioarekin edo “Oporrak Bakean” programarekin.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun