Gaur, astelehena, eta hurrengo bi asteetan zehar, arrazakeriaren kontrako zinemaldia egingo dute Algortan, "Gara" egunkariak zabaldu duenez. Koloreetan Bizi izeneko ekimen hori, urtero Bizkaiko hainbat herrietan ospatzen da. Zinemaldi horren helburua pelikula erakargarrien bitartez eskubide berdintasuna eta aniztasunaren alde sentikortzea da. Proiekzioak Algortako Villamonte kultur etxean egingo dituzte 19:30ean. Aurten, besteak beste, ijitoen kontrako jazarpena eta Europar Batasunean etorkinen "kriminalizazioa" jorratuko dute. Emanaldiak gaur hasiko dituzte Cherien Dabisen "Amerika" filmarekin. Etzi, film laburrak botako dituzte. Hilaren 15ean, astelehena, Orson The Kid eskolak zuzendutako "Los veraneantes" eskainiko dute, eta, asteazkenean, hilak 17, "Made in L.A.". Emanaldi guztietan sarrera doakoa izango da. Argazkian, "Made in L.A." pelikula proiektatuko dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun