Barrikako Udalak pintura ikastaroa antolatu du ikasturte honetarako. Eskolak hilaren 19an hasiko dira. Ostiralero egingo dituzte, 18:00etatik 20:00etara, Goierriko elizaren ondoan dagoen Ander Deuna kultur aretoan. Ikastaroa adin guztietako pertsonei zuzenduta dago. Bertan, hainbat teknika irakatsiko dituzte, hala nola, olio-pintura, akrilikoa eta akuarela. Hiruhilabeteko prezioa 30 eurokoa izango da. Hala ere, eskoletara joanda ikasleei dirua itzuliko zaiela jakinarazi dute arduradunek. Izan ere, saioen %75era joanda ordaindutako guztia bueltatuko zaie; eskolen %50tik %75erako asistentziarekin diruaren %75a; eta hori baino gutxiago joanda ez dute ezer bueltatuko. Argibide gehiago, Barrikako kultur etxean (Udaletxeko Bidea, 2 - Txintxilandia), 946 775 163 telefono zenbakian edo udal webgunean (www.barrika.net) eskura daiteke. Argazkia: © Kultur Leioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun