Era berean, salatu beharrekoa da Espainiar Estatuaren jarrera, 1976. urtean Saharako lur kolonizatuak utzi zituenetik bere erantzukizunari kale egin diolako eta, horren erruz, Saharar herriak Maroko eta Mauritaniaren aurkako guda bati aurre egin behar izan zion, eta egun Marokoren aldetik nozitzen ari den okupazio ilegalari ere.
Denbora tarte guzti honetan, gai honetan ere bere jarrera demokratiko eza erakutsiz, Espainiar Estatuak ez dio inoiz Marokori exijitu okupazio ilegalari eta Saharako herriaren aurkako eskubide urraketei bukaera eman diezaien. Justu kontrakoa: Espainiar Estatuak, berdin izanik Moncloa-n zein gobernu egon den, etengabe hazi egin du Marokorekiko kooperazio politiko, ekonomiko eta militarra.
Honekin batera, salatu beharra dago Nazio batuen Erakundeek (NBE) beste aldera begiratu duela beti Marokok NBEren ebazpenak bete gabe utzi dituenean.
Guzti honegatik, LABetik gure erabateko elkartasuna adierazten dugu Saharako herriarekin eta bere eskubide guztiak errespetatuak izan daitezen exijitzen dugu, bereziki Autodeterminazio Eskubidea. NBEk Saharako lurraldearen osoko deskolonizazio prozesua bururaino eraman dadin bermatu behar du.
Bukatzeko, egunotan Euskal Herrian Saharako herriarekin elkartasunez eta Marokoko gobernuak beraien kontra erabilitako errepresio basatia salatuz burutzen ari diren eta deituak dauden mobilizazio guztiekin bat egiten dugu LABetik.
Euskal Herrian 2010eko azaroaren 9an
LAB: "Marokoko Estatuaren errepresio basatiari ez! Saharako herriarekiko elkartasuna!"
LAB sindikatuak, egunotan El Aaiun-en milaka sahararren kontra, Gdeim Izik-eko protesta akanpalekua suntsitzean, Marokoko gobernua erabiltzen ari den errepresioa salatu nahi du. Errepresio honek dagoeneko hainbat sahararren heriotza (oraindik kopurua zehazteke dago), eta hamarnakaren atxiloketa ekarri du. Duela egun gutxi, kanpaturiko milaka pertsonekiko gure elkartasuna adierazi genuenean, bukaera tragiko baten arriskuaz ohartu genuen, zoritxarrez azkenean gertatu dena. Kasu hau, Saharako populazioak egunero nozitzen dituen giza eskubide, eta eskubide zibil eta politikoen urraketa amaigabearen beste adibide bat besterik ez da, latza izan arren. Giza eskubideen urraketa hauek bereziki jasan behar izaten dituzte 1976an Marokok okupatu zituen Saharako lurretan bizi diren sahararrek: torturak, atxiloketa bidegabeak, adierazpen askatasun eza, e.a. etengabeak dira. Halaber, saharar preso politikoek pairatu behar izaten dituzten eskubideen urraketa amaigabea da eta Saharako lurraldea banatzen duen “Apartheid” harresia existitzea guztiz salagarria. Argazkian, hainbat saharar ume ikurrinari helduta / © Leioa.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun