Gizarte-onura horiek ez dira erabilgarritasunaren atalera mugatu. Metroa modernotasun koherenteko elementua, Bilbo maila goreneko zerbitzuen hiri gisa kokatzeko estrategian erabat txertatua da, eta herritarrak harro daude berarekin.
Era berean, herritarrek Bilboko metropolian zeharreko joan-etorrietan ibilgailu pribatua erabiltzea murriztu du. Alde horretatik, Metro Bilbaok ekarpen nabaria egin du garapen iraunkorraren alorrean, kutsadura akustiko eta atmosferikoa gutxitzen lagunduz.
Eragina ekonomian
Ekonomian izan duen eraginari dagokionez, Metro Bilbaoren eraikuntzak eta ustiapenak 1993tik aurrera urtean 2.100 enplegu baino gehiago mantentzen lagundu dute. Gainera, euskal enpresetan funtsezko papera sortu du, ekonomiaren aldetik zein balio teknologiko handiko produktuak garatzeko aukeren mailan, Bizkaiko ogasunerako ekarpena alde batera utzita.
Garraiabide honek oreka ekonomiko argia izan du balantzeetan beti. Horrela, atal horretako bilakaeraren datuek “estaldura-indizean” erreferente dela adierazten dute. Indize horrek diru-sarrera eta gastu operatiboen arteko erlazioa islatzen du kontabilitatean. Ustiapenean defizita duen arren –metroak ez du dirurik irabazten– Metro Bilbaoren gastuaren % 80 ustiapenetik sartzen den diruarekin estaltzen da, eta ez du parerik sektorean.
Iñaki Prego Metro Bilbao garraio enpresako kontseilari delegatuak gaurko prentsaurrekoan esandakoak.
Iñaki Prego: "Metro Bilbaoren 15 urteak"
2010ko aza. 11a, 19:24
Gaur, 2010eko azaroak 11, Metro Bilbao martxan hasi zenetik 15 urte bete ditugu. 1995eko azaroaren 11n lehenengo trenak Plentzia-Zazpi Kaleak bidea egiten zuen 1. linearen 26 kilometroak estreinako ibiltzeko botoia sakatu zen. Ordutik hona etengabe hazi da metroa, hedapenean zein ustiapen-emaitzetan. Gaur arte, hiriko trenak ia 1.000 milioi bidaiari garraiatu ditu. Mila milioi arrazoi egun ia burututa dauden bi lineatan 41 kilometro dituen garraiabide honen alde egiten segitzeko, etorkizuneko 3, 4 eta 5 lineekin osatuko den erronkaz beteriko geroaren bila. Nerabezarora arte, ia hirukoiztu du bidaien kopurua, zerbitzu osoko lehen urtean, 1996an, zenbatu ziren 36 milioietatik 2009ko 87 milioietara igaroz. Garbi ikusten da, beraz, gero eta erabilgarriagoa dela gure garraiabide hau. Aurtengo urriaren 31ra arte lortu diren 72.676.157 bidaiek urtaldia 88.250.000 bidaiarirekin amaituko dugula aurreikusarazten digute, eta azpiegituraren gizarte-onuren benetako neurria zein den erakusten dute, sundatzeen arabera, bizkaitarrek ondoen balioesten dutena baita, Guggenheim museoaren aurretik ere. Argazkia: © Metro Bilbao.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun