Erandio Landako Motagane txakolindegiak eskuratu du Ipar Kutxa Saria
2010ko aza. 11a, 20:24
Leioako Mendibile Jauregian banatu zuten astelehenean Bizkaiko Txakolinaren Tratu Profesionalari emandako I. Ipar Kutxa Saria. Barra tabernentzako kategorian, Erandio Landako Motagane txakolindegia eskuratu du golardoa. Mahaia jatetxeen artean, berriz, Muxikako Remenetxe ostatuarentzat izan da saria. Algortako Portu Zaharreko Arrantzale eta Algortako Catavinos tabernak ere baziren finalerako aukeratutako Bizkaiko 16 ostatuen artean. Hala ere, ez dute erandioztarrek beste zorterik izan. Bitartean, aipatu udalerriko txakolin ekoizleak ere batu dira Talleri elkartera. Busturialdeko eta Txorierri inguruko zenbait produktore bildu eta Morgako Ibarruri auzoan Bizkaiko txakolindegi handienetako bat eraikiko dute. Joan den ostiralean jarri zuten lehen harria. Argazkian, hainbat lagun Mendibile jauregian kokatutako Txakolinaren Museoaren inaugurazioan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun