Bere laguntzaileak, ongi hezitako loro baten antzera, nagusiak esandakoa errepikatzen zuen behin eta berriz, nahiz eta batzuetan agerian zen bere nagusiaren jarrera harroak urduritzen zuela. Azkenik, bikotearen irudimena agortu egin zen, eta orduan soldatapeko txakurrek egiten duten moduan, bertan egotea betiko esaldiarekin justifikatu zuten: polizia naizenez gero, nahi dudana egin dezaket. Minutu batzuen ostean ospa egin zuten.
Politikoz, telebistaz, antzeztearen erregeez, eta abarrez beterik dagoen Gasteiz honetan, zeinetan hori gutxi balitz Poliziak harrotasun zein hantuste ikaragarriarekin jokatzen duen, ematen du udal "txosten" horretarako ilargiaren argipean harturiko gaztetxeko argazkiak behar zituztela. Ez al da arraroa Udal honek egiten dituen gauzak? Aski da! Utzi itzazue probokazioak alde batera!
Poliziak ez du lekurik gizartean eta are gutxiago gure etxean. Baliteke kanpotik Gasteiz berdea izatea, baina barrutik, ustelduta jarraitzen du, eta horrela izango da politikoek nahi dutena egiten jarraitzen duten bitartean. Baina guk gurean jarraituko dugu, orain arte egin izan dugun modu berdinean, eta argi gera dadila ez dugula hau bezalako jarrera probokatzailerik onartuko!
Komisariarik ez! Udaltzainak auzotik kanpora!
Gasteizko gaztetxea: "Udaltzainak gaztetxean"
2010ko aza. 12a, 17:35
Pasa den asteko ostiralean, Europako Hiriburu Berdearen izendapena ospatzeko asmoz, Udaltzaingoak Gasteizko gaztetxean sartzea erabaki zuen. Gaueko 00:15ak aldera, Udaltzaingoak Udal Ingurumen Sailerako egin behar duen “txosten” baten aitzakiarekin, bi polizia-agente sartu ziren oldarka Muinoko Etxean eskuetan kamera bat zutelarik (gehi pistola zein porra bana, “kalez” jantzitako eskuadroi bat kanpoaldean, gehi "munipa espazialez" beteriko furgoneta bi Falerina inguruan...). Aitzakia horrekin gaztetxeko hainbat guneetako argazkiak atera zituzten inoren baimenik gabe. Agenteek bertan egoteko arrazoiak eman ostean hasi ziren gure galderak, baina "buru"-ak asmakizunez beteriko eta momentuan bertan inprobisaturiko erantzunak baino ez zizkigun eskaini. Argazkian, orain bi urte, gaztetxearen 20. urteurreneko ospakizunen aurkezpena egin zuten hainbat lagunek. Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun