Itsasoruntzen ustez, “Euskal Herriak bizi duen gatazkaren konponbidea denon esku dago eta, banatzen gaituzten ezberdintasun guztien gainetik, gure arteko elkarlana sustatzea berebizikoa da”. Horri erantzunez, eguerdiko 12ak aldera egin dute salto uretara surflariek, korronte gogorreri aurre eginez. Kamiseta gorri, berde eta zuriak jantzita, “konpromiso, esperantza eta bake eta justiziaren koloreez tindatu” dituzte Bizkaiko Zubi inguruak.
Itsasoruntzek zabaldutako oharra:
Elkarrizketaren katea osa dezagun!
Egun bizi dugun egoerari bultzada emateko, elkarrizketa sustatzeko, gaurkoan ere uretan elkartu gara, Ibaizabal itsasadarreko bi aldeak giza-katez lotuz. Surf ohola aldean, Bizkaiko Zubi inguruak konpromiso (gorria), esperantza (berdea) eta bake eta justiziaren (zuria) koloreez tindatu ditugu.
Baina, uretan ez ezik, lehorrean ere prozesuaren alde "bustiko" diren lagunak behar ditugu. Euskal Herriak bizi duen gatazkaren konponbidea denon esku dago eta, banatzen gaituzten ezberdintasun guztien gainetik, gure arteko elkarlana sustatzea berebizikoa da. Guztion artean sortu behar ditugu prosezu berri bat abiarazteko beharrezkoak diren baldintzak.
Prozesua gu gara, herria da. Gogor lan egin dezagun itxaropena agortu ez dadin. Gaurko indarrak biharko malkoak saihestuko ditu.
Hiru zutabe dauzka gure aldarrikapenak:
1.Elkarrizketa eta alde orotariko akordioa, Euskal Herri osoan eta euskal hiritar guztiontzat, bazterketarik gabe.
2.Eskubide zibil eta politiko guztien errespetua eta bermea.
3.Giza eskubide indibidual eta kolektibo guztien errespetua eta bermea.
Elkarrizketaren katea iruditan:
Elkarrizketaren bitartez gatazkaren konponbidean “bustitzera” deitu ditu herritarrak Itsasoruntzek
Ibaizabalgo uretan murgildu dira gaur ehun bat gizon-emakumek, gatazka konpontzeko prozesua babestu eta elkarrizketa aldarrikatzeko asmoz. Surf oholen gainean, eskuak elkar loturik egin dute Areeta eta Portugalete arteko giza-katea, Bizkaiko Zubi parean, Itsasoruntzek egindako deialdiari erantzunez. Itsasadarreko bi aldeetan ere ez dira gutxi izan, ikusminak bultzatuta edo propio bertara joanda, bildutako lagunak. Izan ere, Itsasoruntzeko kideek adierazi dutenez, lehorrean ere "bustiko diren lagunak" behar dira. Gatazkaren konponbidea erdiesteko herritarren parte-hartze aktiboa aldarrikatu dute: “Guztion artean sortu behar ditugu prozesu berri bat abiarazteko beharrezkoak diren baldintzak. Prozesua gu gara, herria da”, adierazi dutenez. Hartara, gogor lan egitera deitu dute, “itxaropena agor ez dadin”. Argazkia: cc-pd Itsasoruntz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun