Arrastoak oraindik darrai, Iñaki bezalako hainbat lagun egun folklorea zaintzen eta sustatzen diharduen Simon Otxandategi taldean sartu zirelako. Dantzariak, musikariak eta abeslariak dauzka horrek. Aipatu taldeari otu zitzaion azaroan behin egin nahi duten ekitaldi berezia antolatzea: "40 urteren bueltan, euskal kanta odolean zeramaten pertsona horiek gogoratu nahi ditugu. Garai latzetan, gure sustraiak iraunaraztea lortu zuten", nabarmendu du Gonzalezek. Amaiera bikaina emateko, ekitaldian parte hartzen duten talde guztiek batera abestuko du Berangori dedikatutako kanta. "Talde horien ezaugarri nabarmenen artean, Berangorako, abesti bat moldatzen utzi ziguten", aipatu du Simon Otxandategi taldeko zuzendariak. Sinbolikoki emango zaie agintariei kanta. Hilabete batetik hona, astean behin entseatzen ari dira talde guztiak. Berangon erroldatutako edozein pertsonak parte har dezake. Baina, aurretik, bihar egingo duten entsegura joan beharko da. Udaletxe atzean, Simon Otxandategi taldearen lokaletan izango da saioa, 20:00etan.
Alaitasuna
Moldaketak eginez eta lan berriak sortuz, Berangoko abestia kasu, euskal kantak abestuko zituen taldea sortzeko batu ziren hainbat gazte, 1970ean. Musikak lagunduta zeuden euskarazko kantu horiek. Besteak beste, soinua, gitarra eta Euskal Herriko tradiziozko haize-trenak (txistua, txirula, tthun tthun-a eta dultzaina) erabiltzen zituzten. Sei lagunek osatzen zuten taldea: Mari Tere Gonzalez, Maria Elena Uriarte, Consuelo Castellanos, Inmaculada Santamaria, Fernando Sangroniz eta Iñaki Gonzalez.
"Lorenzo jauna, orduko Berangoko parrokoa, garai horretan oso beharrezkoa zen babes legala eman zion Alaitasuna taldeari. Orduan, behin gaztelaniara itzulita, Poliziak eta Gobernu Zibilak zigilatuta egin behar ziren emanaldietan interpretatutako abesti guztiak", zehaztu duenez. "Jaialdietan, orduan modan zeuden Estitxu, Gontzal Mendibil / Xeberri, Pantxo ta Peio, Urko, Etxamendi ta Larralde... abeslariekin aritzea ohikoa zen", gogoratu du Gonzalezek.
Itxaropena
1972an sortu zuen Itxaropena taldea Iñaki Gonzalezek, 7 eta 9 urte arteko umeak hartuta. Radio Popular irratiak Bilboko Vistarama zinema aretoan egindako abeslari berrien lehiaketan, lurralde mailako lehenengo saria irabazi zuten. Iñakik berak egiten zituen zuzendari lanak, kantuen aukeraketa eta ahotsen moldaketak; Maria Elena Uriarte gitarra jotzen lagun zuela. Nesken artean, Nekane Eguskiza, Marisa Maguregi, Lourdes Uriarte, Arantza Diez eta Igone Zunzunegi zeuden. Mutilen artean, berriz, Jose Luis Gonzalez, Jorge Etxebarria eta Patxi Intxaurtieta.
Egutegia:
Azaroak 16, asteartea
20:00 Talde guztien entsegu orokorra, Berangori dedikatutako abestia prestatzeko. Parte hartu nahi duten lagun guztiei zabalik, Simon Otxandategi taldeko lokaletan, udaletxe atzean, egingo dute.
Azaroak 19, ostirala
20:30 Alaitasuna, Itxaropena eta Simon Otxandategi taldeen kontzertua Santo Domingo elizan.
Azaroak 20, larunbata
Animazioa Sabino Arana kalean: Txanbezpel fanfarrea (Iparralde), Areatxu (Algorta), Kantagunea Taldea (Erandio) eta Zanpantzar (Otxandategi-Berango).
Azaroak 21, igandea
13:30 Berangoko abestia kantatuko dute udaletxean nagusien etxeko abesbatzak, emakumeen elkarteak, Udal Musika Eskolak, Berangoko Eskolako Umeak, Santo Domingo de Guzman abesbatzak eta Otxandategi Taldeak.
15:00 Herri bazkaria eta erromeria udal pilotalekuan. 15 euro pertsona bakoitzeko.
Alaitasuna eta Itxaropena taldeen omenaldiko entsegu orokorra egingo dute bihar Berangon
Gutxi gorabehera 250 lagunek parte hartuko dute Berangoko Alaitasuna eta Itxaropena musika taldeei egingo dieten omenaldian, udal iturriek adierazi dutenez. Asteburu honetan, hilaren 19tik 21era bitartean, parrokiako eta nagusien etxeko abesbatzek kantatuko dute, Musika Eskola eta eskola-umeekin batera. Ekitaldiaren antolatzaile Simon Otxandategi dantza taldeak ere parte hartuko du. Bihar bertan, entsegu orokorra egingo dute guztiek aipatu elkarteko lokaletan, udaletxearen atzean, Berangori eskainitako abestia prestatzeko. Ordua 20:00etan jarri dute. Udalerrian erroldatutako edozein pertsonak parte har dezake ekitaldian, aurretik biharko saiora joanda, noski. 70eko hamarkadan sortuak, euskal kanta berria sustatzeko lan nekeza hartu zuten Alaitasuna eta Itxaropena taldeek. "Erabat zaila zen orduan euskaraz abestea. Jaialdi, lehiaketa eta irratietan ere ekitaldi ugari eskaini genituen. Diskoa grabatzekotan ere egon ginen, baimenak Poliziari eta Gobernu Zibilari eskatu behar zitzaizkion garaian", gogoratu du Iñaki Gonzalezek. Dantza taldeko egungo zuzendaria 1970eko bukaeran jaiotako Alaitasuna taldeko kidea izan zen. Baina kimua arrakasta handiz ernamuindu egin zen. 1972an sortu zen udalerrian Itxaropena taldea, zazpi neska-mutilek osatuta. Argazkian, Alaitasuna eta Itxaropenaren oinordekotzat daukate Simon Otxandategi dantza taldea / © Berangoko Albisteak.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun