Atzo, igandea, goizeko 6:15ak aldera, Leioako Udaltzaingoak bi gizon gazte atxilotu zituen ibilgailu baten gurpilak lapurtzen zeudelakoan. Tokiko iturriek jakinarazi dutenez, patruila-auto batek Txabi eta Joseba Etxebarrieta kaletik zihoazela antzeman zituzten mutilak, udalerriko patinaje pistako aparkalekuan. Gazteek auto baten bi gurpil zituzten desmuntatuta jada, ibilgailua adreilu gainean jarrita zutela. Udaltzainak bertaratzean, ustezko lapurrek ihes egiteko saiakera egin zuten, baina agenteek atxilotu egin zituzten, hirugarren gurpila desmuntatzen hasiak zirela. Mutilak Zamudiokoak direla jakinarazi dute udal iturriek: 19 eta 22 urtekoak, hurrenez hurren. Biei jabegoaren kontrako delitua egotzi diete, eta asteartean bertan Getxoko epaitegietan deklaratu egin beharko dute. Argazkian, gurpilak kendu dizkioten aipatu ibilgailua / © Leioako Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun