Sopelako Olentzero herri batzordeak, beste urte batez, 8 eta 12 urte bitarteko umeentzako marrazki lehiaketa antolatu du. Horietatik, saritutakoa, Gabonetako postalaren irudia izango da. Olentzero gaua iragartzeko erabiliko dute. Lehiaketarako gaia "Olentzero Sopelan" izango da. Lanen amainari dagokionez, gutxienez DIN-A4koa izan beharko dela jakinarazi dute antolatzaileek. Marrazkiak entregatzeko azken eguna abenduaren 3a izango da, 11:00etatik 14:30era. Arratsaldean, berriz, 16:00etatik 20:00etara eraman ahal izango dira, Kurtzio kultur etxera. Horiek aurkezteko momentuan, gutun-azalean zein marrazkiaren bestaldean ezizena idatzi beharko da. Gutun-azalaren barruko oharrean, berriz, izen-abizenak, adina, helbidea eta telefono zenbakia. Sari banaketa abenduaren 24an egingo dute, udaletxeko plazan. Argazkian, Olentzero eta Mari Domingi Sopelako kaleak zeharkatzen / © Sopelana.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun