"Getxo Antzokia, etorkizunerako aurreikuspenak" lelopeko jardunaldia egingo dute gaur, asteartea, Algortako Tamarises hotelean, Euskal Ikasketen Fundazio Popularrak antolatuta. Ordua 19:00etan jarri dute. Carlos Olazabal Bizkaiko Batzar Nagusietako PPko bozeramaile eta aipatu elkarteko zuzendariak adierazi duenez, azpiegitura berriak piztutako eztabaida kontuan hartuta, horren "etorkizunari, kostuari zein ondorio ekonomiko, urbanistiko eta kulturalei buruzko hausnarketa" egingo dute gaurko saioan. "Hori egitea beharrezkoa den eztabaidatuko dugu", zehaztu duenez. Horrenbestez, ondokoek hartuko dute hitza: Luis Armada Martin, Bizkaiko Arkitekto Teknikoen Elkargo Ofizialeko presidente ohia; Angel Asensio Miranda, Barakaldo Antzokiko zuzendari eragilea; eta Errique Portocarrero Zorrilla-Lequerica, Euskal Enpresarien Zirkuluko zuzendaria. Argazkian, Getxo Antzoki berria eraikitzeko lanak / © San Nikolas Auzo Elkartea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun