Badaukat musika talde getxoztarrak bere lehen lan luzea aurkeztuko du ostiralean

Badaukat musika talde getxoztarrak bere lehen diskoaren aurkezpena egingo du ostiral honetan, hilaren 19an, Algortako Igeretxe hotelean. Hitzordua arratsaldeko zortzietan jarri dute, eta bertan, hamaika abesti dituen "Minus Bat" disko berria aurkeztuko dute. Horrez gain, taldea osatzen duten lau lagunek euren musika-lanaren lau abesti joko dituzte. Aipatu laukotean Pepe Heredia (gitarra), Josu Doncel (gitarra), Monika Vicario (ahotsa) eta Leire Laza (ahotsa) biltzen dira. Taldekideek jakinarazi dutenez, "gitarra jotzen ezagutu garen lau lagunok duela urte eta erdi hasi ginen abesti propioak sortzen eta azkenik hamaika abestiz osatutako disko bat grabatzea otu zitzaigun". Argazkian, taldekidea den Josu Doncel / © Josu Doncel.