Abenduaren 4tik 8ra arteko egunetarako, Lisboarako asteburu luzea antolatu du Berangoko Udalak. Berangoeta kultur etxetik abiatuko dira, lau izar dituen Vip Madrid hotelera heltzeko. Bertan egingo dute gaua, hurrengo egunean berriro bidaiari ekiteko. Hilaren 5ean, Cascais, Estoril, Boca do Inferno, Palacio Qeluz eta Cintra bisitatuko dituzte. Hurrengo egunean, berriz, libre izango dute goiza, arratsaldez Obidos eta Alcobaca Erdi Aroko hiribilduetan barrena ibiltzeko. Hilaren 7an, goizez, Lisboara egingo dute txangoa. Arratsaldea libre izan ostean, abenduaren 8an hasiko dute bueltako bidaia. Logela bikoitza edo hirukoitzerako 350 euro ordaindu beharko ditu pertsona bakoitzak; logela indibiduala, berriz, 525 eurotan egongo da. Azaroaren 19ra arte egongo da zabalik izena emateko epea, kultur etxean eta Viajes Ecuador agentzian. Joan-etorrirako autobusa, lau gau hotelean mantenu osoan, txangoak eta asegurua sartzen dira aipatu prezioetan. Argazkian, Europako zubirik luzeena daukate Lisboan, Vasco de Gama izenekoa / cc-by-sa josu.orbe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun