Asteburua alde batera utzita, hurrengo asteartean, hilaren 23an, Perseo Zine Foruma izango da Kultur Leioako auditorioan. Kanada, Suedia eta Txekiar Errepublikako zikloaren barruan, "Yo servi al Rey de Inglaterra" filma proiektatuko dute arratsaldeko zortzietan bi euroren truke.
Teatro La Baracca, "On-Off" antzezlana:
Bonbillak pizten eta itzaltzen diren bitartean, musika eta mugimenduak nagusitzen dira, dantza bat sortuz. Lanparak, bonbillak eta kableak eraldatu egiten dira, eta loreen, koilaren, dantzarien, kandelen, karruselen eta abarren forma hartzen dute, edo aita, ama edo ume dira. Jolasa da, eta, era berean, iluntasunari eta gauari beldurrik ez izateko modua ere bada.
Da.Te Danza konpainia, "Rio de Luna" antzezlana:
Dantzaren bitartez, eta modu poetikoan, haurtxoek munduarekin duten lehen topaketa islatzen du, eta, batez ere, amarekin duten topaketa. Nola sentitzen dituzte argia, objektuak, soinua eta mugimendua. Energia positiboz betetako ikuskizuna da, erreka baten bizitza bezala haziz doana, dantzak umeen bilakaeraren berri ematen digun bitartean: mugimendua, lau hankatan ibiltzea, lehen urratsak eta naturaren aurkikuntza. Esperientziak sentsazio bihurtzen dira, eta “Rio de Luna” lanak koloreari eta argiari lotutako mugimendua erakusten du.
Kultur ekimenez beteriko hiru egun izango dute leioaztarrek asteburu honetan. Bihar, ostiralarekin, JVera Group eta Angela Cervantesek blues-jazz kontzertua emango dute Kultur Leioako Ambigu aretoan. Musika emanaldia gaueko hamarretan hasiko dute eta sarrerak sei eurotan salduko dituzte. Etzi, larunbatean, Haurtxoentzako III. Antzerki Zikloa izango da aurrekoaren toki berean. Italiatik etorritako Teatro La Baraccak "On-Off" izeneko lana aurkeztuko du 12:00etan eta 18:00etan. Hurrengo egunean, igandea, antzerki zikloari jarraipena emanez, Andaluziako Da.Te Danza konpainiak "Rio de Luna" lana antzeztuko du aurrekoaren ordu beretan. Bi obra horien sarrerak lau eurotan salduko dituzte. Bitartean, gaur abiatutako X. urteurreneko ekimenak izango dira Udondo gaztetxean. Argazkian, Teatro La Baraccaren "On-Off" antzezlanaren momentuetako bat / © Kultur Leioa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun