Larunbat honetan, azaroak 20, Egun Kubatarra ospatuko dute Sopelako Sekeko gaztetxean. "Kubaren errealitate politikora pixka bat hurbiltzeko eta ikasteko jardunaldia izango da", Gazte Asanblada Sopeloztarrak (GAS) adierazi duenez. Horrenbestez, 18:00etan, aipatu herrialdearen egoerari buruzko eta hara joan diren brigaden inguruko hitzaldiarekin hasiko dira. Ondoren, afari kubatarra dastatzeko aukera egongo da, baita prestatu duten argazki erakusketa ikusteko ere. Horretaz gain, mozorro lehiaketa egingo dute. Beraz, Sekeko gaztetxera hurbiltzekotan, kubatarrez jantzita izatea eskatu dute gazte asanbladakoek. Mozorro-jantzi jatorrena daramanak oparitxoa jasoko du. Postontzia egongo da eta bakoitzak bozka emango dio gustukoenari. Bestalde, gaur, ostiralarekin, kontzertua izango da Getxoko Txorimalo gaztetxean. Baltzak, Pornosaurio eta Oddheathenish taldeek joko dute, 20:30etik aurrera. Sarrera bi eurotan izango da. Argazkia: cc-by-sa Mickou.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun