Areetako Ibaigane kaleko lanak direla eta, datorren astelehenean, hilak 22, Gobela kaleko tarte batean bide mozketa egingo dute; Bidebarrieta eta Ibaigane kaleen artean, hain zuzen ere. Etetea Getxoko Udaleko Berehalako Ekintza Lantaldeak azken kale horretako bide-zorua konpontzeko egiten ari den lanak direla eta izango da. Obra horiek ostiralera (hilak 26) arte iraungo dute eta, bitartean, ibilgailuak tokian dauden garajeetan irten eta sartu ahal izango dira. Argazkian, Imanol Landa alkatea eta Joseba Arregi Hirigintza zinegotzia aurreko obra batzuetan / © Getxo.net.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun