Giza esplotazioaren onuradunek ekarritako etorkinak iraintzen dituzte behin eta berriz enpresari berberen hautagai politikoek. Enpresen lan kargak behera egin du, eta lan istripuek, gora. Alderdi biko sistema politikoan oposizioa beti da ezkertiarragoa gobernua baino, agintean dagoenean eskumako bihurtzeko baldintzarekin. PPk pentsiodunen eskubideak aldarrikatzen ditu PSOE esku ikusezinari konfiantza transmititu beharraz dabilen bitartean. Obamak orain gogoratu du, agintaldi erdiko hauteskundeak galdu dituenean, Bushek aberatsei oparitutako zerga jaitsiera ezabatzea ahaztu zaiola. EAJk lan politiken amets zaharra ekarri du zaharren ametsak merkatzearen alde bozkatzearen truke. Rodolfok altxor kutxaren bat aurkitu du bere aurrekoen paperen artean. Rupi, Blanki, Bobi, Igor... tantaz tanta, orain hamar urteko kale aferengatik kartzelara. Malaga da paperontzi gehien erretzen den estatuko lurraldea, baina Alcorconen bezala, inor ez doa kartzelara. Are gutxiago, hamar urte beranduago.
Espero dut biharko, minik gabe, lanera joateko moduan egotea. Jasanezina baita gure zilborrei begira bizi garen bitartean egiten digutena ikustea.
Fredi Paya bertsolari algortarrak ostiralean "Berria" egunkarian argitaratutako artikulua
[© Fredi Paya - Berria.info] Matrail-hagina ateratzeak Popeye bihurtu eta ohean etzan nau. Busturian "juxixoko hagine" esaten diote. Nik iazko eta aurtengo esperientzien ostean: txapelketako hagina. Ohean egoteak bizkarra mintzen duen momentuan isiotu dut telebista, eta desinformazio kateak entzuteari ekin. Ordu pare bateko berrien ostean, masail handituak ere mina emateagatik barkatzeko eskatu dit: non bizi gara? Europako Batasuna krisia eragin eta ordaindu nahi ez dutenen txotxongiloa da. Inongo hauteskundeetara aurkezten ez den finantza merkatuak erabakitzen du estatu guztien politika ekonomikoa. Bakarra guztiontzat, Patakan: gehiengoari kendu eta gutxiengoari eman.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun