Bestalde, beste bidaiariek animalia ondo hartzen dutela ziurtatzea gomendatu diete maskotekin doazen bidaiariei. Baten bat beldur edo deseroso sentitzen bada, komeni da aberea daramana ibilgailuaren beste alde batera joatea, aipatu dutenez. Jaurlaritzaren arabera, lanegunetan, onena da goizeko hamarretatik aurrera bidaiatzea txakur edo katuekin, bidaiarien eta animalien arteko bizikidetza errazteko. Itsu-txakurrek ez daukate baldintza hauek bete beharrik.
Hainbat debeku ere ezarri dituzte:
- Debekatuta dago animalia exotikoak eramatea (narrastiak, armiarmak, intsektuak…).
- Debekatuta dago legeriaren eta indarrean dagoen araudiaren arabera arriskutsutzat jotako txakurrak konpainia horien instalazio eta ibilgailuetara sartzea.
- Segurtasun-arrazoiengatik, animalia, jabeak berak eraman beharko du, eta arreta handiagoa jarri txartela balioztatzeko makinen inguruan, ibilgailuetako sarreran, eta, oro har, ibilgailuko eta instalazioetako ateak ireki eta ixterakoan, maskotak kalterik izan ez dezan.
Hainbat baldintza ezarri dituzte txakurrak eta katuak metroan eraman ahal izateko
Metro Bilbao eta EuskoTren garraio zerbitzuetako erabiltzaileek etxe-abere bat (txakurra edo katua) eraman ahal izateko aukera ematen duen agindua sinatu berri du Iñaki Arriola Eusko Jaurlaritzako Etxebizitza, Herri Lan eta Garraioetako sailburuak. Horrenbestez, zortzi kilora arteko pisua duten animaliak eramaten utzi beharko du Metro Bilbaok, "betiere, animalia arriskutsua ez bada, eta forma, tamaina, zarata edo usainarengatik besteei trabarik eragiten ez badie". Hori bai, txakurrek edo katuek ezin izango dute jarlekurik okupatu. Kutxa berezi batean eraman beharko dira. Hala ere, garraio enpresak "eskubidea" izango du jende-pilaketa handiko uneetan (kirol-ekitaldi, jai, zerbitzu berezi eta bestelakoetan) abereen sarrera mugatzeko. Tokiko langileek erabakiko dute "animalia bakoitza arriskutsua den edo besteei trabarik eragiten dien”. Argazkian, metroa topera doanean seguru asko ezin izango da animaliarik eroan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun