…denon artean lortu dugu! Bai LeVert epaileari, bai espetxeko zuzendariari ere, egoerak eskuetatik ihes egin zien eta presio handia sumatu zuten. Gure osasun egoerak, herrian burututako ekimen desberdinek eta Euskal Herritik helarazi dizkiezun gutunek mugitzera behartu zituzten.
Beste behin ere, espetxe-borroka eta kaleko indarrak norabide berberean uztartuta eta ahalik eta esparru gehienetan presioa eraginez, helburuak lorgarriak direla ikusteko eta dastatzeko aukera izan dugu. Denon artean lortu duguna aurrekari bat izango delakoan nago eta presoon duintasuna erasotzen duten bakoitzean, aurrean izango gaituztela jakin behar dute. Bai, eraso oro erantzun beharra dugu. Duintasuna, itxaropena bezalaxe, sekulan galdu behar ez den beste oinarrizko zutabe horietako bat delako.
Bai lagun, lortu dugu. Eta ez dut uste, halako beste kasu baten aurrean, jarrera berdina izango dutenik. Hortan datza gure garaipentxoa. Oraingoan Jareri egokitu zaio, baina bihar Perutxo izan daiteke eta berak hala nahi duenean, batez ere aitatxo edo amatxo ezagutzeko egin beharko duen bidai luzeari aurre egiteko prest dagoenean, joateko eskubidea izan beharko luke eta ez epaile batek agindu edota onartzen duenean.
Bihar, azaroak 18, alaba altzoan hartzeko aukera izango dut eta hori lagun ezezaguna, hori… ezin izango dizut lerroen bitartez azaldu. Badira hitzek azaltzen ez dituztenak eta biharko une hori, horietako bat izango delakoan nago. Unea iritsita, hitzik esateko gai izango naizenik ere, ez dakit. Hala ere, alaba eta bikotearekin bat egingo dudan iskin honetatik, Jaretxoren masusta musurik potolo-potoloenak bidaltzen dizkizugu eta gure irripar, zein zorion negar-malkotan, hitzez azaltzeko gai izan ez naizena irakurtzerik izango duzu.
Besterik gabe, urtarrilaren 8an Bilboko kaleetan berriro elkar ikusiko dugulakoan, besarkada estu-estua eta herrian egindako lana eta borrokagatik esker beroenak bidaltzea baino ez zait gelditzen.
Bitartean, bien bitartean, beti alai… beti bidean aurrera jarrai.
…denon artean lortuko dugu!
Beris
Meaux-ko espetxetik, 2010eko azaroaren 17an.
Etengabe agerkari digitalak atzo argitaratutako Iker Beristain preso algortarraren gutuna.
Iker Beristain: “…denon artean lortu dugu!”
2010ko aza. 24a, 11:54
[cc-pd Iker Beristain - Etengabe] Ezezagun bati zuzentzen naizen lehen aldia da. Bai, zuri, garaipentxo hau posible egin duzun hori. Ez da erreza eta askotan, lerroen bitartez esan nahi dena, behar bezala azaltzea ez da lan makala izaten. Nik ez dut ohiturarik, baina azken asteetan bizi izan dudana, behingoagatik, lotsa alde batera utzi eta lerrotxo hauek helarazteko barne-beharra sentitu dut. Gure poza zurekin konpartitzeko, eskuratu dugun barne-indarra zuri helarazteko eta zergatik ez, jaso dugun elkartasuna eskertzeko… Lortu dugu! Azaroaren 10ean, Jaretxoren bisita baimena onartua izan zeneko berria jaso genuen. Epaileak berak, espetxera fax bitartez bidali zuen. Bai lagun. gure osasuna jokoan jarri eta borrokan mantentzera behartu gintuen epaile berbera. Argazkian, kalean ere izan zuen isla Beristainek abiatutako borrokaldia.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun