Bihar egingo dute Berbalagun egitasmoaren aurkezpena Leioan

Izen-emate epe luzearen ondoren, zenbait talde osatzeko beste berbalagun elkartu dira jada Leioan. Hori dela eta, bihar, ostiralarekin, Berbalagun egitasmoaren aurkezpena egingo dute tokiko Sakoneta kiroldegian, arratsaldeko zortzietan. Antolatzaileek jakinarazi dutenez, eraikinean sartu eta eskailerak igota, areto txukun batean elkartuko dira. Dena den, bertaratutakoak gal ez daitezen, pasilloetatik kartelak jarriko dituztela esan dute. Ekimena horrela banatu dute: ongi etorria, bideo emanaldia, beste herrietako berbalagunen esperientziak eta, amaitzeko, luncha. Izena eman dutenak zein oraindik animatu ez direnak daude gonbidatuta ekitaldira. Argazkia: © Leioako Berbalagun.