Gertaera horrekin kontzientzia hartua zuten mugimenduen apustua, orain dela zenbait urte, “Murriztu, Berrerabili, Birziklatu” izan zen. Gaur egun dugun egoera ikusita, proposamen hori ez da nahikoa, eta denbora labur batez “Kontsumo 0” proposamena indarrean egon ondoren, behar-beharrezkoa dugun hurrengo kontzeptu honetara iritsi gara “Txikiagotzea”: hobeto bizi gutxiagorekin.
EGE egunean, herritarrei ez zaie bakarrik kontsumo maila jaisteko gonbidapena egiten, baizik eta hausnarketarako, kontsumismoaren baloreei kritika egin, eta aukera berrien proposamenak egiteko eguna ere bada.
Izan gaitezen arduratsuagoak, iraungarriagoak, solidarioagoak eta lankideagoak Premiazko ditugun produktutarako kontsumo lokala, bidezkoa eta ekologikoa aukera dezagun. Iraungo duten produktuak aukera ditzagun. Sistemaren iraunkortasuna bila dezagun: ezinezkoa baita hazkunde infinitua unibertso finitu batean. Zaindu dezagun gure etxea eta gure etorkizuna.
Dorretxe, Sagarrak eta Ekologistak Martxan
Ekologistak Martxan: “Kontsumorik gabeko egun 1, eta 364 egunetan kontsumo arduratsua”
2010eko azaroaren 26 honetan ospatzen da Erosketarik Gabeko Egunaren (EGE) 19. edizioa. Egun hori egun esanguratsua bihurtu da mundu mailan, bai produkzioaren, banaketaren eta kontsumoaren eredua, bai gaur eguneko bizimodu-estiloa aldatzeko apustua egin duten kolektibo eta pertsonentzat. EGE eguneko proposamena kontsumitzaileek egiten duten greba egun batekin edo boikot kanpaina batekin konpara daiteke, ez produktu edo enpresa zehatz baten aurka, baizik eta kontsumoko gizartearen aurka, kontsumo gehiegikerien aurka egiten dena, bereziki Gabonetako kanpainan nabarmentzen dena. Erosten ditugun ia produktu guztiak planeta mugatu batetik datozen eta berritzen ez diren lehengaiekin egindakoak dira. Orain arte, gure etxeak, Lurrak, behar genuen guztia oparotasunez eman digu, baina orain biltegia husten ari da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun