Ostegun goizeko hamarrak aldera, Ertzaintza patruila batek matrikula-plakarik gabe zihoan ibilgailu bat atzeman zuen Basauriko Zabalandi auzoan dagoen gasolindegi batean. Gidariak hornigailuetako baten aurrean aparkatu zuenean, poliziek hura identifikatu zuten. Hala, gizonezkoak gidabaimena indarrean ez zeukala baieztatu ahal izan zuten. Gainera, bastidoreko zenbakia aztertu ostean, automobila lapurtua zela jakin zuten ertzainek, Herrizaingo Sailak zabaldu duenez. Halaber, gizonezko hura bilatzeko agindu bat zegoela baieztatu zuten, urriaren 27an Enekuri mendateko gasolindegi batean egindako lapurretan parte hartu zuelakoan. Polizia iturriek adierazi dutenez, egun hartan, gaueko hamarretan, hiru gizon ibilgailu batean bertaratu ziren zerbitzugunera eta, langilea burdinazko barra batez beldurtuz, kutxa erregistratzailea ostu zuten.
Lapurretarako erabili zuten ibilgailua Ortuellako aparkaleku batean aurkitu zuten, erreta. Gertakaria jazo ostean, Ertzaintzak ikerketa abiatu zuen. Lan horren ondorioz, 27 urteko gizon bat identifikatu egin zuten horretan parte hartu zuelakoan, baina ez zuten hura aurkitzerik izan. Barakaldon, urriaren 22an, ibilgailu-lapurreta salaketa jarri zuten, eta, ondorioz, azken gertakari hori argitzeko ikerketan horren egilea gizon berbera zela susmatu zuten.
Gizon gazte bat atxilotu dute Enekuriko gasolindegian lapurtu duelakoan
2010ko aza. 29a, 19:22
Ertzaintzak 27 urteko gizon bat atxilotu zuen ostegunean Basauriko Zabalandi auzoan, Enekuri mendateko gasolindegi batean egindako lapurretan parte hartu duelakoan. Horrez gain, hainbat ibilgailuren lapurreta egotzi diote gazteari, Eusko Jaurlaritzaren Herrizaingo Sailak zabaldu duenez. Atxiloketaren unean, lapurtutako ibilgailu horietako batean zihoala adierazi dute polizia iturriek. Ustez, ordu batzuk lehenago Trapagarango kontzesionario batean ostu zuen. Gauzak horrela, susmagarria atxilo eraman zuten hainbat ibilgailu lapurtzea, gasolindegian egindako lapurretan parte hartzea eta bide-segurtasunaren kontrako delitu bat egotzita, azken hori, gidabaimena indargabetuta zeukala gidatzen zihoalakoan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun