Topaketa udalerrian boluntariotzan lan egin eta Gizarte Zerbitzuekin kolaboratzen duten elkarteen arteko topagunea izatea nahi dute antolatzaileek. Elkarte horiek esparru desberdinetan ari dira; tartean, familian, hirugarren adinean eta, batez ere, ezintasunen alorrean. Elena Coria zinegotziaren arabera, "elkarte horiek erakundeetan aurrera eramaten dugun jardueraren lan osagarria egiten dute, izaera guztiz altruistarekin eta desinteresatuarekin. Ezin dugu ahaztu beren lana beharrezkoa dela eta boluntarioa izatea oso onuragarria dela lan hori egiten duenarentzat eta baita jasotzen duenarentzat ere“.
Egitaraua:
Jardunaldia 18:30ean hasiko da Imanol Landa Getxoko alkatearen, Elena Coria zinegotziaren eta Mercedes Garaikoetxea FEGEVOLeko presidentearen eskutik. 18:45etik aurrera, hiru boluntarioen kontakizunak entzun ahal izango dira; Aspanovas elkarteko Aiala Frontela, Bici Solidaria taldeko Carlos Arana eta Argia Fundazioko Marina Molina boluntarioenak, hain zuzen ere. Galderen txandaren ondoren, 2010eko pertsona boluntarioaren eta elkarte boluntarioaren sariak emango dituzte.
Hainbat pertsona boluntarioen testigantzak ezagutzera ematea izango da aurtengo Getxoko Boluntariotzako XVII.Topaketaren helburua. Jardunaldia asteazken honetan, abenduak 1, izango da Algortako Villamonte kaleko kultur etxean. Boluntariotza Erakundeen Federazioak (FEGEVOL) antolatuta, pertsona boluntarioek bizi izandako esperientziak "balorean" jarriko dituzte, "jendarte aldakorraren errealitate desberdinen aurrean". Lagun horiek etengabeko heziketa berezitua edukitzeko dagoen beharra ere nabarmenduko dute. "Gero eta behar handiagoa dena, gainera", azpimarratu dutenez. Getxo udalerrira egokituko diren hobekuntza jarduerak aurrera eraman ahal izateko ere erabiliko omen dituzte lekukotza horiek. Argazkian, ezkerretik eskuinera, Elena Coria Gizarte Zerbitzuen zinegotzia, Imanol Landa alkatea eta Mercedes Garaikoetxea FEGEVOLeko presidentea iazko boluntarioen topaketa aurkezten / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun