Dagoeneko ikusgai dagoen webgunea (http://www.vascossiglo21.com) badauka, hiru hizkuntzatan, "Euskaldunak XXI. mendean" erakusketak. Iragana eta abangoardia fusionatzen ditu modu interaktiboan. Baserrietako bizitza, hiriak, jaiak, tradizioak... ere erakutsiko dute bideo-proiekzio baten bitartez. Horretaz gain, gidatutako bisitak egingo dituzte, zeinetan egun usadio zaharrak mantentzen dituen Euskadiri buruz hitz egingo dieten bisitariei. "Ez dugu alde batera utzi behar etorkizunaren garapen naturala, gure nortasunaren kontura baldin bada; biek elkar eragin dezakete", azaldu du Ander Basagurenek.
Hezur-haragizko Gargantua, Kursaal edo Guggenheim bezalako sinbolo modernoak, zerra erradial bati heltzen ari zaion aizkolaria, artaldea zaintzeko ordenagailua erabiltzen duten artzaina edota ekologiaz zein itsasoko fauna eta floraz kezkatzen diren antzinako arrantzaleak... horiek eta beste batzuk ikus daitezke. Surrealismo eta umore ukituak ere presente daude argazki sortan. Sexualitatea edo eguneroko irudiak, "top-manta" kasu, ez dituzte bazterrean utzi. Gurera bueltatuta, Britainia Handian edota Estatu Batuetan bizi diren beste XXI. mendeko euskaldun horien errealitatea islatu nahi dute, horretarako Berangoko Udalaren laguntza dutela.
Europa eta Amerikako euskal etxeetan barrena ibiliko da "XXI. mendeko euskaldunak" argazki erakusketa
2010ko aza. 30a, 16:55
Europa eta Amerikan egongo da ikusgai "XXI. mendeko euskaldunak" argazki erakusketa. Oxford Gallery aretoan egingo du lehenengo geldialdia, nazioartean, hiru kontinenteetako euskal etxeetan ikusmina piztu duen mostrak. Abenduan izango da hori, antolatzaileek data zehatzak finkatu ez dituzten arren. Tamaina handiko (1,80 x 1,20 metro) irudiez gain, ikus-entzunezko lana eta beste jantzien artean kaikuak hartzen dituen erakusketa ikusi ahal izango dira bertan. Londreseko euskal etxeak areto horretako ateak irekitzearekin batera, kontinente zaharretik kanpoko beste hainbat lekuetatik heldu zaie gonbidapena. Boise udalerri estatubatuarreko euskaldunek ere Endika eta Ander Basaguren berangoztarrei eta Amaia Hormaetxea bilbotarrari luzatu diete gonbidapena. Bestalde, Argentina eta Uruguaiko euskal etxeak interesatuta agertu dira, baita Shangai (Txina) aldekoa ere. Argazkian, XXI. mendeko bale arrantzalea / © Ander Basaguren.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun