Abenduaren 3an ospatu ohi da Euskararen Nazioarteko Eguna. Baina, aurretik, hainbat ekitaldi izaten dira Leioan egun berezi hori behar bezala ospatzeko eta gure hizkuntzari duen garrantzia emateko. Bihar, asteazkena, 19:00etan Jon Urraza aktorearen “Bestela ondo....ezta?” antzezlana izango da ikusgai Mastitxu udal euskaltegian. Ostegunean, berriz, hainbat ekitaldi egongo dira Kandelazubieta kiroldegian: alde batetik, Tor magoa, 18:00etan. Eta bestetik, 19:30etik aurrera, Erdizka Lauetan taldearekin dantzatzeko aukera egongo da. Guzti horren ostean, mokadutxoa eskainiko dute indarrak hartzeko. Ostiralean, abenduaren 3an, izango da Euskararen Eguna toki guztietan. Leioan ekitaldi berezi bat prestatu dute: Joan Mogel idazle eibartarrak 1.802an idatzitako "Peru Abarka" lana irakurriko dute jendaurrean herriko hainbat lagunek. Ekitaldia eguerdiko hamabietan izango da Kultur Leioan. Argazkia: cc-by-nc-sa agirregabiria.
Azkenik, asteburu osoan zehar zinema euskaraz egongo da ikusgai, Kultur Leioan. 17:30ean, "Midas erregearen altxorra" emango dute eta, 20:00etan, "Izarren argia".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun