![](http://farm5.static.flickr.com/4097/4942032582_5d0ddc0568_m.jpg)
Gabonetako oporretan ere zabalik egongo da Areetako Eskoletako plazan dagoen Kukupraka ludoteka. Abenduaren 27tik urtarrilaren 7ra bitartean, ordutegia 10:30etik 13:30era izango da. Hori bai, abenduaren 24an eta 31an, urtarrilaren 1ean eta 2an itxita egongo da. Ludoteka zabalik mantentzearen helburua familiei lana eta familia bateragarri egiten laguntzea da, arduradunen arabera. Bertara joateko ez da aldez aurretiko izen-ematerik egin beharko, ezta ezer ordaindu ere. Nahikoa izango da umea nahi den orduan eramatea eta datu batzuk ematea. Toki arazoengatik, behin tokiak betez gero, ezin izango da haur gehiago sartu. Argazkian, Areetako ludotekako umeak judo tailer batean / ©
Getxoko Udala.