Atzo, asteazkena, 2010eko elkarte eta pertsona boluntarioen sariak banatu zituzten Algortako Villamonte kaleko kultur etxean. Boluntariotza Erakundeen Federazioak (FEGEVOL) antolatutako topaketan, Susan Josende, Margarita Tarazaga eta Berdintasun elkartea izan ziren sarituak. "Horrela, pertsona zein erakunde horiek besteen mesedetarako eta laguntzarako eskainitako denbora eta esfortzua goraipatu nahi izan zituzten", udal iturriek adierazi dutenez. Argazkian, aurtengo sarituak Imanol Landa Getxoko alkatea eta Elena Coria zinegotziarekin / © Getxoko Udala.
Susan Josendek boluntarioen zereginari dedikatutako bizitza du, lehen AVIFES Bizkaiko buru-gaixoen eta senideen elkarteko kide bezala eta gaur egun FEGEVOL barruan. Autodidakta eta lan egiteko zaletasun handiarekin, federazioaren jarduerak aurrera ateratzeko buru belarri lan egiten ari da. Berarekin batera, Margarita Tarazaga boluntarioak jaso du saria. Tarazagak ere AVIFESean hasi zen eta mugikortasun murritza dutenen senideen elkarteren batekin ere kolaboratzen du. Antolatzeko gaitasun handiarekin eta lan esperientzia handiarekin, ideiak eta freskotasuna eskaintzen dizkio federazioari. Bestalde, Berdintasuna elkarteak pertsona etorkinek euren eskubideei eta betebeharrei buruzko informazioa eduki dezaten lan egiten du. Bere inplikazioa urrunagora joan da, baldintza berdinetan, udalerriko hainbat gune eta esparrutan era aktiboan parte hartzera laguntzen baitie kanpokoei.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun