Argirik gabe egon dira ordu betez Algortako hainbat kale

Arratsaldeko 5:30ak aldera argia joan egin da Algortako goiko aldeko zenbait kaleetan, Teilagorri plaza, Basagoriti Etorbidea, Amezti kalea tartean. Aipatu inguruetako semaforo, farola, etxebizitza, taberna eta denda gehienak ilun egon dira ordu betez. Gabonetako argiak, ordea, bizi-bizi ikus zitezkeen Algortan, horiek pizteko ekitaldi ofiziala egin baino ordu erdi lehenagotik. Areetako Andres Larrazabal eta Paulino Mendibil kaleen artean, 18:30ean eman omen diote etengailuari Imanol Landa Getxoko alkateak, Maite Ibarbengoetxea Getxo Enpresa eta Merkataritza (GEEM) elkarteko lehendakariak eta Javier Herrero eta Nicolas Fernandez Arenas Club eta Romo futbol taldeetako presidenteek. Orduantxe bueltatu da argia Tellagorri, Basagoiti, Amezti... inguruetako semaforo, farola, etxebizitza, taberna eta dendetara. Argazkian, Basaigoiti 57 tabernan kandelen argipean egon dira ordu betez.