Espainiar Konstituzioa herrien, nazioen eskubideak urratzeko sortua da, euskal herritarron eskubideak zapaltzen eta ukatzen ditu. Euskal Herria nazioa da eta euskal jendarteak libre eta demokratikoki bere etorkizun instituzionala, ekonomikoa eta soziala erabakitzeko eskubide osoa du. Erabakitze eskubideak konstituzioaren gainetik egon behar du.
Inposatutako jaiak gainditzeko bidean lanean jarraitzeko eguna da astelehenekoa. Lanean dihardugu eta lanean jarraitu behar dugu, ezarpen oro gainditu Euskal Herriari dagozkion eskubide nazionalak indarrean egongo diren aro berriaren alde.
LAB sindikatuko egoitza guztiak zabalik izango dira astelehenean, ohiko ordutegiarekin. Berton bizi gara, berton egiten dugu lan, eta geure lan egutegia berton erabakitzeko eskubidea dugu.
LAB: "Euskal Herria inposaketen aurka. Berton erabaki!"
2010ko abe. 5a, 17:58
Datorren astelehenean, abenduak 6, lan egutegi propioa aldarrikatzeko eguna dugu Euskal Herrian, eta horretarako deia egiten die LAB sindikatuak euskal langileei. Espainiar konstituzioaren eguna inposatuz irain egiten digute euskal langileoi, irain euskal jendarteari, jai egun hori Espainian indarrean den legediaren ezarpenaren adierazle baita, herri honen burujabetza eskubideen ukazioaren adierazle. Espainiar Estatua nazio bailitzan aurkezteko baliatzen dute urteko lan egutegia, asimilazioaren bidean sakontzeko, espainiar “batasuna” bermatu nahian. Abenduaren 6a ez da jai eguna Euskal Herriarentzat. Geure egutegi propioa osatzeko gaitasuna ukatzen jarraitzen zaigun bitartean, entitate politiko propioa izatea debekaturik dugun bitartean, Euskal Herri independente eta sozialista helburu dugunok ez dugu zer ospatu. Argazkian, maiatzaren 1eko manifestazioa Areetan.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun