Irakurri Unai Oñederrak idatzitako laburpena:
Hipoak urmaelean pasatzen du egun osoa. Gorputza uneoro hezea mantentzea du helburu. Urtaro lehorrean, baina, lekuz mugitu behar du ur mailak behera egiten duela eta. Lekualdatze hori sahiesteko ur metagailu bat sortzen du lur azpian, etengabe nahi adina ur eskura izateko. Metagailuak Hipoaren bailara goitik behera aldatzen du. Baita mundua ere. Metagailuaren hazkundea etengabea da, harik eta alarma gorriak saltatzen duen arte: Hipo-krisia.
Algortako Eztabaida gune antiautoritarioak liburu berria plazaratu du. Lanak "Hipo-krisia" du izenburua eta Unai Oñederra donostiarrak idatzia da. "Narrazio hau, gazteei zein nagusiei zuzendua dago eta sistemari buruzko fabula bat da", azaldu dute Eztabaidakoek. Gauzak horrela, Algortako Amezti kaleko 3. zenbakian duten dendan ez ezik, egunotan ospatzen ari den Durangoko Euskal Liburu eta Disko Azokan ere jarri dute salgai, 6 eurotan. Batetik, Gatazka Guneko postuan dago eskuragarri; eta bestetik, Sapuetxe gaztetxeak antolatu ohi duen azoka antikomertzialean. Bestalde, ohiko liburu dendetan erosi ahal izango da. Argazkian, Eztabaida gune antiautoritarioa (Algortako Amesti kaleko 3. zenbakia) kanpotik / publicdomain Etengabe.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun