Argazki gehiago:
Urtero legez, "egutegi propioa" aldarrikatuz, Espainiako Konstituzio Egunari uko egin eta hainbat herri eskola antolatu ditu Euskal Herrian zehar Ikasle Abertzaleak (IA) erakundeak. Uribe Kosta eskualdean, Getxoko Aixerrota institutuak eta Leioako Betiko ikastolak ireki dituzte ateak gaurko egunean, dozena bat eta zortzi lagun bildu direla, hurrenez hurren. Bestalde, Leioako Askartza ikastetxe katolikoko IAk deituta, beste hamabi neska-mutil elkartu dira Barandiaran Behekoan. Aixerrotara hurbildutako ikasleek goizeko hamarretan egindako gosariarekin indarrak hartu eta, 10:30ean, "Itsasoaren alaba" dokumentala ikusteko aukera izan dute. Ondoren, eskolako gela batera igo eta, EHUko irakasle batekin, ikastolen historia eta bilakaera aztertu egin dituzte. Ordu batak aldera, neska-mutilek tokiko patioan luncha hartu eta, goiza amaitzeko, Ikasle Abertzaleak erakundeko kide batek "Hezkuntza herrien motore" izenburuko hitzaldia eskaini du tokiko liburutegian. Argazkian, gaur goizeko Aixerrotako herri eskoletako talde argazkia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun