Internet eguneroko bizitzan erabiltzeko ekimen berria aurkeztuko diete getxoztarrei hilaren 16an
Interneten erabilera eta eguneroko bizitzan duen erabilgarritasunak herritarrei hurbiltzeko ekimen berria martxan jarriko dute Getxo udalerriko hiru gaztek. Egitasmoaren aurkezpen ofiziala abenduaren 16an, osteguna, izango da, 20:00etan, Algortako Barbarella tabernan. Paola Etxeita, Susana Romero eta Lara Trevilla getxoztarrek Udalaren Gazteria Zerbitzuak antolatutako Wanted 2010 ideia lehiaketan bigarren saria jaso zuen "GetxoKlik" proiektuaren emaitzen berri emango dute egun horretan. Horrela, udalerriak "plataforma parte-hartzailea" izango du, non herritarrek sarean sartzeko erantzun erraz eta zuzenak topatuko dituzten, tokiko iturriek zehaztu dutenez. Informazioaren teknologien erabilerak lagunduko du eguneroko gestioak egiterako orduan, hala nola, sendagilearenganako hitzordua eskatzeko, erosketak egiteko edo bidaiak antolatzeko, administrazio desberdinekin gestioak egiteko edo, besterik gabe, sare sozialen bitartez aspaldiko lagunak edo ezagunak topatzeko. Argazkian, hainbat gazte ordenagailu aurrean / © Getxo.net.
"Proiektu hau internet eta teknologia berriak ezagutzen ez dituzten edo gutxi erabiltzen dituzten pertsonei dago zuzenduta, gure web-atariaren (www.getxoklik.com) bitartez eguneroko gestioak zelan egin jakin dezaten", zehaztu du Lara Trevillak. Aurkezpen egunetik aurrera, getxoztarrak proposamen horretara ohitu ahal izango dira, berori sustatzeko antolatuko diren hainbat ekintzei esker. Horiek agerian utziko dute proiektua GetxoKlik-en eta Internetek eskaintzen dituen tresna eta aukeren ingurura benetan jende asko ekartzeko asmoz. GetxoKlik hazteko eta, hortaz, herritarren ikuspuntutik interesgarriak diren proposamen eta iradokizun guztiak bere edukietara biltzeko bokazio handiarekin jaio da, bai iruzkin zein loturei dagokienez, baita espazio hau aberasten eta Getxo udalerria informazio-teknologien erabileraren abangoardian egoteko lagunduko duten bideo propioei dagokienez ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun