Larunbat honetan, hilak 11, Okupazio Eguna izango da Getxoko Txorimalo gaztetxean. Horri hasiera emateko, goizeko 10:30ak aldera, graffiti erakusketa egingo dute eraikineko fatxadan. Ondoren, 12:30ean, gaztetxearen bosgarren urteurreneko kartelerako argazki erraldoia aterako dute, horretara herritar guztiak gonbidatu dituztela. Arratsaldeko hiruretarako, bazkari herrikoia prestatu dute bertaratutako neska-mutilak alaitzen joateko eta, bukatzeko, 20:00etan, Kuentra Atras, Disorders eta Te kiero komo amigo DJak musika emanaldia eskainiko dute, lau euroren truke. Argazkian, Txorimalo gaztetxearen laugarren urteurrenaren ospakizunak.
Bestalde, hilaren 17an eta 18an, kontsumismoaren aurkako jardunaldiak egingo dituzte Algortan. Horrenbestez, ostiralean, "Kontsumo sostengarria" izenburuko hitzaldia izango da, 18:00etan, Aldai patronatuan. Ondoren, luncha eskainiko diete bildutakoei. Hurrengo egunean, larunbatean, kontsumismoaren aurkako truke azoka egongo da Tellagorri plazan, 11:00etatik 14:00etara.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun