"La Haine" filmaren laburpena:
La Haine (Gorrotoa, euskaraz) Mathieu Kassovitzek zuzendutako film frantziarra da. 1995ean estreinatu zen, eta jendartetik baztertutako hiru gazteren (judu bat, arabiar bat eta beltz bat) bizitza kontatzen du. Istorioa Parisko auzo baztertu batean kokatzen da, 1990eko hamarkadako erdialdera.
Ska dantzaldia izango da larunbatean Sekeko gaztetxean
2010ko abe. 9a, 17:58
Larunbat honetan, hilak 11, ska dantzaldia egongo da Sopelako Sekeko gaztetxean. Cable Street Beat-Euskal Herria elkarteak antolatuta, besteak beste, ska, rock steady, 2tone, skinhead reggae, northern soul doinuak eskainiko dituzte Upstart eta Maiakovsky DJek. Hitzordua gaueko bederatzietan jarri dute eta sarrera doakoa izango da. Bestalde, igandean, zinemaldia daukate Sekeko gaztetxean. Horrenbestez, Rompekulos koadrila sopeloztarrak proposatuta, "La haine" filma egongo da ikusgai, 18:30etik aurrera. Pelikularen ostean, hanburgesak, musika eta giro ona izango dira. Argazkian, Sekeko gaztetxea / © Gazte Asanblada Sopeloztarra Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun