Barakaldoko emakumearen erailketa salatu dute Algortan

Gaur iluntzean 30 bat gizon-emakume batu dira Algortako Telletxe plazan, indarkeria sexistak eragindako azken heriotza salatzeko. Ustez bere bikotekide ohiak hil zuen astelehen iluntzean Cristina E.B. Barakaldoko 25 urteko emakumea. Atzo, arratsaldeko azken orduetan, akusatua Basauriko kartzelan sartzeko agindua eman zuen epaileak. Bitartean, biktimarekin zegoela, bizkarraldean labankada jaso zuen 29 urteko mutilak onera egin du -Aingeru C.G.- eta Gurutzetako erietxean laster utziko du zainketa intentsiboetako unitatea, mediku iturriek diotenez. Ertzaintzak astelehenen bertan atxilotu zuen ustezko erasotzailea: 25 urteko gizonezko bat. Bikotekide ohia labankadaz hiltzea egotzi diote. 29 urteko mutila, egungo bikotekidea, horrekin zen erasoa izan zenean eta larri zauritu zen.