Udalak onartutako Hiri Antolamendurako Plan Orokorraren (HAPO) inguruan galdetegia osatu du
Berango Eraikitzen herri plataformak. Hain zuzen, galdera-sorta erantzutera animatu ditu berangoztar guztiak kolektiboak. Baina, salatu dutenez, "Udalak inkestak jasotzeko postontziak herriko kultur etxeetan jartzea ukatu du". Hori dela eta, beste bide batzuk asmatu dituzte. Batetik, posta arruntez (15 Posta Kutxa / 48640 Berango) edo elektronikoz (
berangoeraikitzen[abildua]hotmail.com) bidal daiteke osatutako galdetegia. Bestalde,
sarean bertan ere bete daiteke. Azkenik, hainbat bilketa hitzordu zehaztu dituzte. Larunbat honetan, Berangoetako kultur etxe aurrean izango dira Berango Eraikitzen herri plataformako kideak, 11:00etatik 14:00etara. Bihar zortzi, berriz, Axganeko plazan jarriko dira, ordutegi berean. Bukatzeko, hilaren 24an, arratsaldez eman ahal izango da galdetegia, Sabino Arana kalean (frontoi aurrean), 18:00etatik 21:00etara. Inkestak biltzeko epea azken egun horretan bukatuko da. Argazkian, 2009ko erdialdean dozenaka herritarrek izenpetu zuten HAPOren aurka Berango Eraikitzen herri plataformak egindako idazkia / © Berango Eraikitzen.