Metroko Kontseilari Ordezkariaren tiraderan 6 hilabete eman eta gero, azaroan mahai gainera atera eta sasi-negoziazio batean kamuflatuta inposatzen saiatzen ari diren proposamena, alegia.
Ez da lanuzteak bertan behera uzteko garaia, legez ezarritako baldintza guztiak betetzen dituztenez gero. Gogoeta egiteko garaia da, gauzak buruarekin egiteko garaia, populismoaren sareetan erori barik, aurrera egin baino lehen neurriak aztertu eta balioesteko garaia. Horretan huts egin du PSE-EEk, arinki hartu du erabakia eta orain metroko zuzendaritzak, gizarteak eta hedabideek bidegabekeria zuritzen lagun diezaioten saiatzen ari da.
Behin baino sarriago esan dugu, ez gaude Gabon Gauean zerbitzurik ematearen aurka, baina moduak, denborak eta pertsonen lan-eskubideak errespetatzen badira betiere. Eta oraingoan PSE-EEk kontra-kontrakoa egin du.
Horregatik, ez dugu lanik egingo Gabon Gauean, horregatik greba egingo dugu Gabonetan. Horixe da auzia eta ez besterik. Ez saiatu krisirako irtenbide, ostalaritza, ospakizun, kopa eta gainerako parafernaliatan ezkutatzen.
Errespetatu joko-arauak, lanuzteak bertan behera uzteko eskatu beharrean. PSE-EEk bere proposamena berraztertu beharko luke eta hurrengo negoziazio kolektibora arte atzeratu beharko luke Gabon Gauean metro-zerbitzua emateko agindu hori. Hori bai izango litzateke arduraz jokatzea.
Ostegunean, abenduak 16, elkarretaratzea egingo dugu Batzar Nagusien aurrean 10:30etik 11:30era. Horren ostean, ez dugu inolako eragozpenik izango PSE-EEko batzarkideekin biltzeko, gure arazoen berri zuzenean emateko. Ordura arte aurrera egingo dugu gure mobilizazio planarekin, erabat legez kanpoko eta bidegabe deritzogun erabakiari aurre egiteko.
LAB Metro Bilbao
http://www.blogak.com/labmetrobilbao
LAB Metro Bilbao: "Metro Bilbaoko LABen atal sindikalaren erantzuna PSE-EEri"
PSE-EE ausartzen da orain Metro Bilbaoko langileei eskatzera arduraz jokatu eta abenduaren 21, 22, 23, 24 eta 25erako deitu dituzten lanuzteak bertan behera uzteko. Gaur, abenduak 10 (atzo zabaldu zuen prentsa oharra LAB Metro Bilbaok), egin du, lanuzteak gainean daudenean. Metro Bilbaon estrategikoki kokatu dituen peoien bidez gelditu ez dituela ikusi duenean. Bitartekaritzarekin hasi dela jakin eta, beharbada, PRECOn arrazoirik emango ez diotela beldur denean. Ez dugu inori leziorik emateko asmorik, baina bere burua sozialistatzat duen alderdi batek langileei galdetu beharko lieke enpresariengana jo baino lehen, eta horixe izan da PSE-EEren akatsik handiena. Alderdi Popularrarekin duen akordioan kateatuta, popularrek Gabon Gauean metro-zerbitzua eskaintzea proposatu dutenean, metroko langile, sindikatu zein, zergatik ez, enpresa batzordearengana jo beharrean, PPren esanei men egin eta, modu populistan, erabakia babestuko duen aldez aurreko inolako azterlanik gabe egin du aurrera proposamenarekin. Argazkian, greba eguna Metro Bilbao garraio enpresan / cc-by-sa Koska irratia.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun