Plastikozko poltsak alde batera uzteko ekimena gaur zortzi abiatuko du Mankomunitateak

"Aurre egin plastikoari" lelopeko kanpaina jarri du martxan bigarren urtez Uribe Kostako Zerbitzu Mankomunitateak, aipatu gaiak ingurumenean eragiten dituen kalteez ohartarazteko. Aurten, 600 erosketa-orgatxo zozketatuko dituzte herritarren artean, Mankomunitateko saltokietan plastikozko poltsen erabilera murrizteko asmoz. Zozketan parte hartzeko, herritarrek zortzi lauki dituen kupoi bat bete beharko dute. Lauki bakoitza betetzeko bost euro baino gehiagoko erosketa egin beharko dute ekimenari atxikitutako saltokietan, abenduaren 20tik urtarrilaren 31ra bitartean. Atxikitutako denden zerrenda eta oinarriak ezagutzeko ondoko webgune honetara jo daiteke. Argazkian, Imanol Garai Sopelako alkatea erdian, iazko edizioan banatutako poltsa bat duela eskuetan / © Sopelana.net.