Bihar berriro epaituko dute Aitor Cotano Auzitegi Nazionalean
2010ko abe. 13a, 20:52
Bihar, asteartea, Aitor Cotano preso politiko algortarraren kontrako epaiketa berri bat abiatuko dute Espainiako Auzitegi Nazionalean. Oraingo honetan, ETAk PSE-EEk Balmasedan duen egoitzaren aurka 2007ko Gabonetan egindako atentatuan parte hartzea leporatzen diote gazteari, Europa Press albiste agentzia espainolak zabaldu duenez. Daniel Campos fiskalak 17 urteko espetxe zigorra eskatzen du Cotanorentzat. Azaroaren bukaeran Arkaitz Goikoetxea eta Iñigo Gutierrez preso politiko getxoztarrekin batera epaitu zuten mutila, Auzitegi Nazionalean, 2008ko maiatzaren 14an Legutioko Guardia Zibilaren kuartel-etxearen kontrako atentatuan parte hartzea egotzita. Cotanorentzat, 8 urteko kartzelaldia eskatu zuen Blanca Rodriguez fiskalak, ETAri laguntzea egotzita. Argazkian, auzokide bat Cotanoren irudia sostengatzen, aurreko batean.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun