Mila euroko bi isun jarri dizkiote Erika Bilbaoren atxiloketa salatu zuen Leioako herritar bati
Mila euroko bi isun jarri dizkiote Leioako herritar bati, Erika Bilbao atxilotu zutenean egindako bi mobilizazioetan legez kanpoko oihuak egin zirela argudiatuta. Uribe Kostako Amnistiaren Aldeko Mugimenduak zehaztu duenez, bere izenean jakinarazi zitzaizkion Ertzaintzari bi mobilizazio horiek. Bilbon, preso baten gurasoei ere 500 euroko isun bana sartu dizkiete, errepresioaren kontrako erakundeak gaineratu duenez. Dagoeneko joan zen hilean Algorta, Berango eta Bilbora heldutako isunak salatu zituen Uribe Kostako AAMk. "Jakin badakigu isun gehiago ere sartu dituztela azken aldian. Isun horien guztien berri emateak duen garrantziaz ohartarazi nahi dugu, errepresio mota honek dakarren zamaren neurria hartzeko ezinbestekoa baita datu guztiak jasotzea", azaldu dutenez. Argazkian, irailaren 14an atxilotu zuten Erika Bilbao eta egun horietan mobilizazioak egin ziren Leioan.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun