Fisika atalak proposatuta, erretiro omenaldia eskainiko zaio ostiral honetan, hilak 17, Jose Antonio Madariaga EHUko irakasleari. Ekitaldia eguerdiko hamabietan izango da Zientzia eta Teknologia Fakultateko paraninfoan. Leioa eta Erandioko campusean. Madariaga irakaslea lehen Irakaskuntza-azpiegituren errektoreordea izan zen; baita Zientzia eta Teknologia Fakultateko dekanoa ere, garai haietan Zientzia Fakultatea. Gainera, Fisika katedradun izanik irakasle eta ikerlari bezala ere jarduera emankorra garatu du bere ibilbide profesionalean zehar, EHUko iturriek gaineratu dutenez. Omenaldian Domingo Gonzalez irakasle eta Zaragozako Unibertsitateko katedradunak hitz egingo du. Era berean, Carmen Gonzalez Murua Akademia Antolakuntzako errektoreordeak, Esther Dominguez Perez Fakultateko dekanoak eta Manuel Tello irakasleak ere parte hartuko dute. Argazkian, EHUko Zientzia eta Teknologia Fakultatea.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun