Goizeko bederatzietan hasiko den tailerraren titulua "Oportunidades de la Cooperacion en la lucha contra el Cambio Climatico" izango da. Goizean zehar klima aldaketa eta horrek giza garapenarekin eta pobreziarekin duen harremana aztertuko dituzte. Gainera, horren kontra borrokatzeko tresnak eta generoaren berdintasuna bultzatzeko baliabideak ere eskainiko dituzte.
Dokumentala eta mahai-ingurua
Arratsaldean, 18:00etan, "Frenar el cambio climatico por el futuro de la humanidad" izenburuko dokumentala proiektatuko dute. Ondoren, mahai-ingurua egingo dute honako partaide hauekin: Jesus Quintana Nazio Batuen Nekazaritzaren Garapenerako Nazioarteko Foroko ordezkaria, Elena Apilanez genero ikuspegitik nazioarteko lankidetzako aditua eta Juantxo Lopez Ugalde, Equo Fundazioaren bultzatzailea eta Greenpeace erakundeko zuzendari ohia. Lehen hizlaria Nazio Batuek klima aldaketaren aurrean duten jarrerari buruz mintzatuko da; bigarrenak klima aldaketa genero arazo bezala izango du abiapuntu eta, hirugarrenak, gizarte zibila klima aldaketaren aurrean.
Klima aldaketak giza garapenean dituen ondorioak aztertuko dituzte bihar Algortan
Klima aldaketak giza garapenean dituen ondorioei buruzko jardunaldia egingo dute bihar Algortako Villamonte kaleko kultur etxean, Unesco Etxeak Getxoko Udalaren laguntzarekin antolatuta. Ekimen horrek klima aldaketak herrialde pobreen garapenean dituen ondorio negatiboen berri ematea du helburu, baita horren inguruan sentsibilizatzea eta aurre egiteko beharrezko tresnei buruzko hausnarketa egitea ere. Bihar goizean, udalerriko elkarteei zuzendutako lan tailerra izango da eta, arratsaldean, herritarrentzako dokumental baten proiekzioa eta mahai-ingurua egingo dute, Juantxo Lopez Ugalde Greenpeace erakundeko zuzendari ohiaren partaidetzarekin. Argazkian, Florent Marcellesik, Aitana Uriak, Mikel Mancisidorrek eta Imanol Landak klima-aldaketaren ondorioak eztabaidatu eta hausnartu zituzten aurreko batean / © Getxoko Udala.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun