Larunbatean, hilak 18, Abiadura Handiko Trenak dakarren neurrigabeko gastu ekonomikoa salatzeko, Hego Euskal Herri osoan ehun mila sasi-isun banatu zituen Mugitu! Mugimenduak (M!M); tartean Leioan. "Isunaren formatua erabili dugu herritarrak AHTak zuzen-zuzenean eragiten diela konturatu daitezen. Zentzu horretan, Isunek poltsikoari egiten dioten mina eta duten kutsu inposatzailea ezin argigarriagoa egin zaigu AHTren benetako kutsua azalarazteko", adierazi dutenez. Beti presaka dabilen exekutiboaz barre eginez azaldu zuten isunen ekintza Iruñean, eta Bilbon ere azalpenak eman zituzten ustezko agenteek, Zapatero eta Lopez presidenteak AHTren gastuen ondorioz larru gorritan zeuden bitartean (Ikusi argazkiak). Bestalde, Uribe Kostako LZPren Aurkako Asanbladak zozketa egin du jada eta zenbaki sariduna 313 suertatu da. Irabazleak produktu ekologikoez betetako saskia jasoko du. Argazkia: © Mugitu! Mugimendua.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun