Bertaratutako medioei egindako adierazpenetan, eurak zein euren astoa istriputik onik atera zirela azaldu zuten eta gertatutakoa tokiko ohiturekiko errespetu falta iruditzen zitzaiela. Mari Domingiren esanetan –horrela identifikatu zen kaltetutako emakumea- “duela urte batzuk pentsaezina zen horrelako gertaera bat Euskal Herrian eman zitekeela; gizon ezezagun bat gure lurretatik paseoan 9 oreinek tiratutako lera batean, gure aireko espazioa okupatuz eta gure kulturarentzako mehatxu bat suposatuz”. Bere bikotekideak, Olentzero deiturikoa, munduko beste lurraldeetan horrelako ohiturak bazirela bazekitela gaineratu zuen, baina sekula ez zutela pentsatuko horren erraz iritsiko zirenik gure herrira, euren bizitzak baldintzatzera ailegatuz. “Gu globalizazioaren zurrunbiloaren lehen kaltetuetariko batzuk izan gara, baina uste dogu, gure ohiturei eutsiz, berau gelditzeko kapaz izango garela”. Hori izan zen bikote honek euskal jendarteari, txikienei bereziki, helarazi nahi izan zioten mezua.
Erredakzioa: Erandioko Gazte Asanblada
Erandioko Gazte Asanblada: "Bikote bat zauritua egoera bitxian akarlanda parkeko inguruetan"
2010ko abe. 23a, 17:30
[Erandioko Gazte Asanblada - "El Corrreo EZpañol"] Emakume bat eta gizon bat zaurituak suertatu ziren atzo (hilaren 19an argitaratuta) Akarlanda parke inguruetan, bere izen-abizenak eta adina ezezagunak direlarik oraindik. Antza denez, 9 oreinek tiratutako ibilgailu batek jo zituen, mendian lanean ari zirela. Bertaratutakoen hitzetan, ibilgailuaren gidaria, edadedun itxurako gizon bitxi ileurdina, ihesi joan zen. Bere ohiko ibilbidetik desbideratu eta bide okerra hartu zuela ematen du, eta inguruko ezaugarrien ezagupen faltaren ondorioz istripua eragin zuen. Osasun zerbitzuak heldu zirenerako zauritutako bikotea egonkor zegoen, min larririk gabe. Osasun zerbitzuak heldu zirenerako zauritutako bikotea egonkor zegoen, min larririk gabe. Beharrezko arreta "in situ" jaso zuten eta Gurutzetako Ospitalera garraiatuak izateari uko egin zioten. Argazkian, istripua sufritu duten pertsonaien etxebizitza.Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun